बर्लीन : पंतप्रधान नरेंद्र मोदी यांनी ओलाफ शोल्झ यांचे जर्मन संघराज्याच्या प्रमुखपदी निवडून आल्याबद्दल अभिनंदन केले आहे.
त्यांच्या निवडीनंतर एंजेला मर्केल यांची कारकीर्द संपुष्टात आली आहे. मूळच्या पूर्व जर्मनीतील असलेल्या एंजेला मर्केल यांनी २००५ पासून एकीकृत जर्मनीच्या चॅन्सेलरपदी सतत १६ वर्षे होत्या. त्या अनेक राष्ट्रीय आणि आंतरराष्ट्रीय घडामोडींमध्ये सक्रीय साक्षीदार होत्या. जर्मनीची पहिली महिला चॅन्सेलर हा मानही त्यांना लाभला. त्याशिवाय त्यांना समाजात आणि राजकीय वर्तुळातही सन्मान मिळाला. त्यांनी सर्वच क्षेत्रात ठसा उमटवणारी एकमेव सव्यसाची महिला म्हणूनही त्यांची ओळख राहिली.
ट्विट संदेशात पंतप्रधान म्हणाले; “जर्मन संघराज्याचे प्रमुख म्हणून निवडून आल्याबद्दल मी ओलाफ शोल्झ यांचे हार्दिक अभिनंदन करतो. भारत आणि जर्मनी यांच्यातील धोरणात्मक भागीदारी आणखी मजबूत करण्यासाठी भविष्यात एकमेकांसोबत अधिक सहकार्याने काम करण्याबाबत मी आशावादी आहे.”
