नवी दिल्ली : मराठी साहित्यकृतींसाठी किरण गुरव, प्रणव सखदेव, संजय वाघ यांना गुरुवारी साहित्य अकादमी पुरस्कार जाहीर झाले. साहित्य अकादमीचे अध्यक्ष चंद्रशेखर कम्बार यांच्या अध्यक्षतेखाली कार्यकारी मंडळाच्या पार पडलेल्या बैठकीमध्ये २०२१चे पुरस्कार जाहीर करण्यात आले.
साहित्य अकादमीने यावर्षीचा साहित्य अकादमी पुरस्कार २० भाषांमधील साहित्यीकांना तर २२ भाषांमधील बालसाहित्य, युवा साहित्यासाठी पुरस्कार जाहीर करण्यात आले. यामध्ये मराठीमध्ये गुरव यांच्या, बाळूच्या अवस्थांतराची डायरी या कथासंग्रहास, संजय वाघ यांच्या जोकर बनला किंगमेकर या कादबंरीस बालसाहित्य पुरस्कार, प्रणव सखदेव यांच्या काळे करडे स्टोक्स या कादबंरीस साहित्य अकादमीचा युवा पुरस्कार जाहीर करण्यात आले.
कोंकणी भाषेतील साहित्यासाठी पुरस्कार
संजीव वेरेंकार यांच्या रक्तचंदन या कवितासंग्रहास साहित्य अकादमीचा वार्षिक पुरस्कार, सुमेधा कामत देसाय यांच्या सुमिंचे कॉटंग्री या लघूकादबंरीस बालसाहित्य पुरस्कार, श्रद्धा गरड यांच्या काव्य परमल या कवितासंग्रहास साहित्य अकादमी युवा पुरस्कार जाहीर करण्यात आला.
