मुंबई – एलआयसी आयपीओची दोन दिवसांपासून जोरदार चर्चा आहे. एलआयसीही भारतातील सर्वात मोठी विमा कंपनी आहे. रशिया-युक्रेन युद्धामुळे हा आयपीओ बाजारात यायला विलंब झाला. मात्र, पहिल्याच दिवशी त्याला प्रचंड प्रतिसाद मिळाला आहे. फक्त हा आयपीओ डोळ्यांसमोर ठेवून गेल्या महिनाभरात प्रचंड डीमट खाती उघडण्यात आली आहेत.
सेबीने एलआयसीने 13 फेब्रुवारी 2022 ला दाखल केलेल्या दस्तऐवजातील मसुद्याला (डीआरएचपी) सेबीने मान्यता दिली आहे. त्यानंतर या शेअरचा रस्ता मोकळा झाला. सरकारने एलआयसीमध्ये जवळपास 31.6 कोटी शेअर्स म्हणजेच 5% समभाग विकण्याचे ठरवले आहे. त्यामुळे सरकारी तिजोरीत 60,000 कोटी रुपये येतील असा अंदाज आहे.
पॉलिसीधारकांना संधी
एलआयसी पॉलिसीधारकांना आयपीओमधून कमाई करण्याची जबरदस्त संधी आहे, जरी यासाठी तुमच्याकडे दोन गोष्टी असाव्यात – एक म्हणजे तुमच्या एलआयसी पॉलिसी खात्याशी लिंक केलेले पॅन आणि दुसरे म्हणजे डीमॅट खाते.
पॅन क्रमांक अपडेट करणे आवश्यक आहे. हा आयपीओ 10 टक्के पर्यंत पॉलिसीधारकांसाठी राखीव असेल. पॉलिसीधारकांनी त्यांचे पॅन तपशील एलआयसी रेकॉर्डमध्ये अपडेट करणे आवश्यक आहे. डीमॅट खातेदेखील असणे देखील आवश्यक आहे.
पॉलिसीधारकांनी रेकॉर्डमध्ये दिलेली पॅन माहिती बरोबर आहे की नाही हे तपासावे. जर ते बरोबर नसेल तर पॅन माहिती अपडेट करणे आवश्यक आहे.
जर एखाद्या पॉलिसी धारकाकडे सध्या डीमॅट खाते नसेल, तर त्याने ते स्वतःच्या खर्चाने उघडण्याचे नियोजन करायला हवे.
1) https://linkpan.licindia.in/UIDSeedingWebApp/getPolicyPANStatus वर जा.
2) पॉलिसी क्रमांक, जन्मतारीख आणि पॅन तपशील भरा, तसेच कॅप्चा प्रविष्ट करा. त्यानंतर सबमिट बटण दाबा.
3) प्रक्रिया पूर्ण झाल्यानंतर स्क्रीनवर स्टेटस तुमच्या समोर दिसेल.
याप्रमाणे अपडेट करू शकता
1) LIC च्या अधिकृत वेबसाईटला भेट द्या https://licindia.in/
2) ‘ऑनलाइन पॅन नोंदणी’ या पर्यायावर क्लिक करा.
3) त्याच पेजवरील ‘प्रोसीड’ बटणावर टॅप करा.
4) तुमचा ईमेल पत्ता, पॅन, मोबाइल नंबर आणि एलआयसी पॉलिसी क्रमांक प्रविष्ट करा.
5) बॉक्समध्ये कॅप्चा कोड प्रविष्ट करा.
6) तुमच्या नोंदणीकृत मोबाईल नंबरवरून OTP साठी विनंती करा.
7) ओटीपी मिळाल्यावर तो पोर्टलमध्ये टाका आणि सबमिट करा.
8) फॉर्म सबमिट केल्यानंतर, नोंदणी विनंती यशस्वी झाल्याचा संदेश दिसेल.
